"Apple" bu ölkənin iqtisadiyyatını çökdürdü
Ölkə.az CNBC kanalına istinadən xəbər verir ki, Apple Finlandiya iqtisadiyyatını çətin vəziyyətə salıb.
Finlandiyanın baş naziri , "Apple" şirkətinin ölkəsinin ən böyük iki sənaye sahəsinin iflasına səbəb olduğunu söyləyib.
Finlandiyanın baş naziri Aleksandr Stubb, ölkəsinin iqtisadiyyatındakı problemlərə görə, texnologiya nəhəngi olan "Apple" şirkətini ittiham edib. Aleksandr Stubbe "Apple"in Finlandiya iqtisadiyyatının onurğa sütununu təşkil edən iki sahənin işinə, kağız və mobil telefon istehsalına zərbə vurmaqda günahlandırıb.
"CNBC" telekanalına müsahibə verən Aleksandr Stubb, sözlərində " İflas edən çempionlarımız var" deyərək rəqibləri qarşısında istədiyini ala bilməyən "Nokia" və ölkə iqtisadiyyatının əsas sahələrindən olan kağız istehsal edən şirkətləri nəzərdə tutduğunu bildirib.
Xatırladırıq ki, Avropanın ən böyük kağız istehsalçıları "UPM-Kymmene" və "Stora Enso" Finlandiya şirkətləridir. Baş nazir deyib ki, "bir az məntiqə zidd olsa da, biri çıxıb iPhonenın Nokianı, iPad-isə Finlandiyanın kağız sənayesini çökürtdüyünü söyləsə, bu böyük etirazla qarşılanmaz, amma biz bu vəziyyətdən uğurla çıxacağıq".
Finlandiya Meşə Araşdırmaları İnstitutu olan Metlanın verdiyi məlumata görə isə, ölkədə kağız sənayesi pis günlərini yaşayır. 2013-cü ilin sonunda dərc olunan hesabatda, ölkədə kağız istehsalının zəifləyəcəyi proqnozlaşdırılmışdı.
"Nokia" ABŞ-ın "Microsoft" şirkətinə satıldı
Arayış: Mobil telefon sənayesinin ilk iştirakçılarından və ən böyük istehsalçılarından biri olan Nokia, ağıllı telefon bazarında "Apple" şirkəti ilə yanaşı Cənubi Koreya şirkəti olan "Samsung" qarşısında rəqabətə davam gətirməyərək məğlub olmuş və 2014-cü ilin aprel ayında ABŞ-ın Microsoft şirkəti tərəfindən satın alınmışdı. Nokia, 1990-cı və 2000-ci illərdə mobil telefon istehsalında dünyada ən çox satılan marka idi və Finlandiya iqtisadiyyatına böyük qazanc gətirirdi.
Ziya Rəhmanov
Ölkə.az
