Mərkəzi Bank vəsaitlərin cəlb edilməsi üzrə depozit hərracı keçirəcək
Azərbaycan Mərkəzi Bankı (AMB) vəsaitlərin cəlb edilməsi üzrə depozit hərracının keçiriləcəyi vaxt və ünvanı açıqlayıb.
Bankdan Ölkə.Az-a verilən məlumata görə, adıçəkilən hərrac iyunun 13-də saat 11:30-dan 12:00-dək keçiriləcək.
Depozit hərracına 150 milyon manat məbləğində vəsait çıxarılıb. Depozit hərracının müddəti 1 ay, hərrac üzrə faiz dərəcələri isə 4,01%-6,99% təşkil edir.
AMB-dən həmçinin bildirilib ki, hərrac “Bloomberg” ticarət platformasında keçiriləcək.