Əmanətlərin ödənilməsinə başlandı
Bu gündən “Bank Standard”da əmanətlərin ödənilməsi ilə bağlı məhdudiyyətlər aradan qaldırılıb.
Ölkə.Az-a Maliyyə Bazarlarına Nəzarət Palatasından (MBNP) verilən məlumata görə, “Bank Standard“da aparılan sağlamlaşdırma işləri çərçivəsində bankın müştəriləri qarşısında maliyyə öhdəliklərini yerinə yetirməsi üçün zəruri vəsait ayrılıb.
“Banka vəsaitlər sanator-bank olan “Azər-Türk Bank” ASC tərəfindən Mərkəzi Bankın maliyyə dəstəyi hesabına 1 illik kredit xətti formasında ayrılıb”, - məlumatda bildirilir.
Nəticədə bu gündən, yəni 4 iyul 2016-cı il tarixdən etibarən “Bank Standard”da əmanətlərin ödənişi üzrə mövcud moratoriumun vaxtının bitməsi ilə əlaqədar müvafiq məhdudiyyətlər aradan qaldırılıb.
“Hüquqi və fiziki şəxslər artıq öz vəsaitlərindən istifadə edə bilərlər”, - məlumatda qeyd edilir.
