Əhalinin kreditlərinin 8,3%-i problemlidir
Ölkə banklarından kredit alanlar kəskin azalıb.
Ölkə.Az-a Mərkəzi Bankdan verilən məlumata görə, kredit portfeli ötən ilin iyun ayının 1-i ilə müqayisədə 11,1% azalıb. Ödəmə vaxtı keçmiş kreditlərin məbləği ümumi kredit portfelinin 8,3%-i təşkil edib.
2016-cı ilin iyun ayının 1-nə ölkənin bank və bank olmayan kredit təşkilatlarının kredit portfeli milli valyuta ekvivalentində 18197,1 milyon manat təşkil edib, onun 4306,1 milyon manatı uzunmüddətli kreditlər olub.
Əhalinin banklardakı əmanətlərinin milli valyuta ekvivalentində məbləği 2016-cı il iyun ayının 1-nə 7 milyard 566 milyon manat təşkil edib.
İyun ayında milli valyutanın 1 ABŞ dollarına nisbətdə orta məzənnəsi 1,52 manata (ilin əvvəlindən 1,55 manata), 1 avroya – 1,70 manata (1,73), 100 Rusiya rubluna – 2,32 manata (2,21) bərabər olub.
