Azərbaycan ilə Litva avtomobil əlaqələrini müzakirə etdi
2016-cı ilin 4-5 avqust tarixlərində Litvanın Vilnüs şəhərində Azərbaycan ilə Litva arasında həyata keçirilən beynəlxalq avtomobil əlaqələri sahəsində Azərbaycan Nəqliyyat və Litva Nəqliyyat və Kommunikasiya nazirliklərinin nümayəndə heyətlərinin iclası keçirilib.
Ölkə.Az xəbər verir ki, Azərbaycan nümayəndə heyətinə Nəqliyyat Nazirliyinin Dövlət Avtomobil Nəqliyyatı Xidmətinin rəis müavini İbrahim Əliyev, Litva nümayəndə heyətinə bu ölkənin Nəqliyyat və Kommunikasiya Nazirliyinin beynəlxalq əməkdaşlıq və inkişaf departamentinin direktoru Vladislav Kondratoviç rəhbərlik edirdilər.
İclasda “Azərbaycan Hökuməti ilə Litva Hökuməti arasında beynəlxalq avtomobil sərnişin və yük daşımaları haqqında” Saziş layihəsinin maddələrinin razılaşdırılması, ölkələrimiz arasında həyata keçirilən beynəlxalq avtomobil daşımaları sahəsində mövcud vəziyyət, statistik məlumatların mübadiləsi, yük və sərnişin daşımaları zamanı avtodaşıyıcıların qarşılaşdığı problemlər və onların həlli yolları, daşımaların inkişafı perspektivləri və digər aktual məsələlər müzakirə edilib, müvafiq Protokol imzalanıb.
