Bu məhsullara görə az vergi alınacaq
Mətn ölçüsü:
  • 100%

Bu məhsullara görə az vergi alınacaq

“Azərbaycanda istehlak mallarının qiymətlərinin əlavə dəyər vergisinin (ƏDV) diferensiallaşdırılması yolu ilə tənzimlənməsi nəzərdə tutulur”.

Ölkə.Az “Marja”ya istinadən xəbər verir ki, bunu Vergilər Nazirliyində keçirilmiş mətbuat konfransında vergilər nazirinin müavini İlkin Vəliyev bildirib.

“Beynəlxalq təcrübədə belə mallara uşaq qidaları, məktəbli ləvazimatları, dərman vasitələri, əlillər üçün tibbi məhsullar və avadanlıqlar, kitablar və bir sıra xidmət növləri daxildir ki, biz qarşıdakı dövrdə bu sahədə beynəlxalq təcrübəni öyrənərək Vergi Məcəlləsinə müvafiq dəyişikliklər layihəsi hazırlayacağıq”, - deyə o bildirib. 

Qeyd edək ki, hazırda Azərbaycanda ƏDV-nin faiz dərəcəsi 18% təşkil edir. ƏDV diferensiallaşdırılmasının tətbiqindən sonra bu dərəcənin yuxarıda adları çəkilən məhsullar üçün aşağı düşəcəyi gözlənilir.

Ölkə.Az