Fond 212 milyon manatdan artıq kompensasiya ödəyib
Əmanətlərin Sığortalanması Fondu tərəfindən avqustun 24-də “Parabank” ASC-nin qorunan əmanətçilərinə 20,3 milyon manat, “Zaminbank” ASC-nin qorunan əmanətçilərinə 34,1 milyon manat, “Kredobank” ASC-nin qorunan əmanətçilərinə 9,9 milyon manat və “Dekabank” ASC-nin qorunan əmanətçilərinə isə 2,4 milyon manatdan artıq kompensasiya ödənilib.
Bu barədə Fonddan Ölkə.Az-a bildirilib.
4 bank üzrə ümumilikdə 66,7 mln. manatdan artıq kompensasiya ödənilib. Avqustun 24-də “Atrabank” ASC-nin qorunan əmanətçilərinə 1,2 milyon manat, “Qafqaz İnkişaf Bankı” ASC-nin qorunan əmanətçilərinə 629 min manatdan artıq kompensasiya ödənilib.
2 bank üzrə ümumilikdə 1,8 milyon manatdan artıq kompensasiya ödənilib.
24 avqust 2016-cı il tarixdə “Bank of Azerbaijan” ASC-nin qorunan əmanətçilərinə 24 milyon, “Gəncəbank” ASC-nin qorunan əmanətçilərinə 895,5 min, “Texnikabank” ASC-nin qorunan əmanətçilərinə isə 119,5 milyon manatdan artıq kompensasiya ödənilmişdir. 3 bank üzrə ümumilikdə 144,3 milyon manatdan artıq kompensasiya ödənilib.
Ümumilikdə Fond tərəfindən 9 bank üzrə 212 milyon manatdan artıq kompensasiya ödənilib.
