İcbari sığorta olunan avtomobillərin sayı açıqlandı
2016-cı ilin avqust ayı ərzində İcbari Sığorta Bürosunun (İSB) informasiya sistemində avtonəqliyyat vasitəsi sahiblərinin mülki məsuliyyətinin icbari sığortası üzrə 93 min 355 müqavilə qeydiyyata alınıb.
Bu barədə İSB-dən Ölkə.Az-a bildirilib.
Onların 14 min 62-si xarici ölkədə qeydiyyata alınan və Azərbaycana tranzit məqsədilə daxil olan avtonəqliyyat vasitələri təşkil edib. 2016-cı ilin avqust ayı ərzində standart və sərhəd sığorta müqavilələri üzrə daxil olan sığorta haqlarının məbləği 7,4 milyon manat olub.
2015-ci ilin iyul ayı ilə müqayisədə sığorta müqavilələrinin sayında 4,7%, sığorta haqlarının məbləğində isə 2,6% artım müşahidə edilib. Avqustda avtonəqliyyat vasitəsi sahiblərinin mülki məsuliyyətinin icbari sığortası üzrə orta sığorta haqqı məbləği cari ilin iyul ayı ilə müqayisədə 1,7% artaraq 79,2 manat təşkil edib.
