SOCAR-dan neftin qiyməti ilə bağlı
“Yaxın bir il ərzində dünya bazarında xam neftin qiyməti 40-50 dollar/barel diapazonunda hərəkət edəcək və ya maksimum 55 dollar olacaq”.
Ölkə.Az-ın “Report”a istinadən verdiyi məlumata görə, bunu “SOCAR Trading S.A.” şirkətinin rəhbəri Arzu Əzimov deyib.
A.Əzimovun sözlərinə görə, qiymətlər yüksəldikdə, Amerikadakı şirkətlər hasilatı artırır:
“Məsələ burasındadır ki, qiymətlər sürətlə yüksələn kimi, Amerika hasilat şirkətləri istehsalı sürətlə artırır. Buna görə də bazarlarda xam neftin qiyməti 40-50 dollar, maksimum 55 dollar olaraq qalacaq”.
Əsas treyderlər hesab edirlər ki, ABŞ-da şist neft və İranla Səudiyyə Ərəbistanında gözləniləndən artıq neft hasil edilməsi bundan sonra ən azı 6 ay qiymətlərdə disbalansa səbəb olacaq.
