OPEK-dən Azərbaycanın neft hasilatı ilə bağlı
2016-cı ildə Azərbaycan və Rusiyada neft hasilatı artdığı bir vaxtda, Qazaxıstan və MDB-nin digər ölkələri “qara qızıl” istehsalını azaldacaq.
Ölkə.Az APA-ya istinadən xəbər verir ki, bu barədə OPEK-in oktyabr ayı üzrə hesabatında deyilir.
OPEK Azərbaycanda orta sutkalıq neft hasilatının 870 min barel səviyyəsində olacağını proqnozlaşdırır. Bundan öncəki hesabatında da OPEK Azərbaycanda hasilatın qeyd edilən səviyyədə olacağını proqnoz verib. Beləliklə, kartel Azərbaycanda orta sutkalıq hasilatın 10 min barel artacağı ilə proqnozunu saxlayıb.
Avqustda ölkəmizdə sutkalıq xam neft istehsalı 30 min barel azalaraq 860 min barelə enib. Bildirilir ki, ümumilikdə cari ilin I yarısında ölkə üzrə sutkalıq neft istehsalı stabil səviyyədə saxlanılaraq 870 min barel təşkil edib ki, bu da ötən ilin müvafiq dövrü ilə müqayisədə eyni, ötən ilin II yarısı ilə müqayisədə isə 20 min barel çoxdur.
