Rabitəbank-a yeni sədr təyin olundu

Bank 1993-cü ildən fəaliyyət göstərir.

Rabitəbank ASC-nin yeni İdarə Heyətinin Sədri təyin olundu.

24 oktyabr 2014-cü il tarixində Rabitəbank ASC-nin Səhmdarlarının Ümumi Yığıncağı keçirilib.

Digər məsələlərlə yanaşı yığıncaqda Rabitəbank ASC-nin İdarə Heyətinin Sədri vəzifəsinə Elçin Qədimov təyin olunub.

Elçin Qədimov 2006-cı ildən Rabitəbank ASC-də İdarə Heyətinin Sədr müavini vəzifəsində çalışıb. Bundan əvvəl digər kommersiya bankında İdarə Heyətinin Sədr müavini, Azərbaycan Beynəlxalq Bankı və Əmanət Bankında müxtəlif vəzifələrdə çalışıb. Elçin Qədimov Azərbaycan İqtisad Universitetinin Mühasibat Uçotu və Audit fakültəsini bakalavr və magistr dərəcəsi və ABŞ-da MBA dərəcəsi üzrə təhsil alıb.

Rabitəbank 1993-cü ildən fəaliyyət göstərir. 30 sentyabr tarixinə Rabitəbank-ın aktivləri 261 milyon manat, məcmu kapitalı 55 milyon manat və vergilərdən əvvəl mənfəəti 3,3 manat təşkil edib. Bankın xidmət şəbəkəsi 22 filial və 2 şöbədən ibarət olaraq Bakı şəhəri və 16 regionu əhatə edir./Oxu.az/

Ölkə.Az