Azərbaycan ilə Hindistan arasında Protokol imzalandı
Bakıda Hindistan və Azərbaycan arasında Hökumətlərarası Komissiyanın iclası keçirilib.
Hindistanın Ticarət və Sənaye Nazirliyinin idarə rəisi Sunil Kumar bu gün Bakı şəhərində Ekologiya və təbii sərvətlər naziri Hüseynqulu Bağırov ilə görüşüb və ikitərəfli ticarət, sərmayə qoyuluşu, ticarət, iqtisadiyyat, elm və texnologiya sahələri daxil olmaqla, bütün sahələrdə Hindistanın Azərbaycanla əməkdaşlığı möhkəmləndirmək arzusunda olduğunu bildirib.
Ölkə.Az-a Hindistan səfirliyindən verilən məlumata görə, S.Kumar 25-26 oktyabr 2016-cı il tarixlərində Bakı şəhərində keçirilən Hindistan-Azərbaycan Hökumətlərarası Komissiyanın 4-cü iclasında iştirak edən Hindistan nümayəndə heyətinə rəhbərlik edir.
İki nümayəndə heyətinin görüşündən sonra Sunir Kumar və Energetika nazirinin müavini Gülməmməd Cavadov ticarət, sərmayə qoyuluşu, nəqliyyat, energetika, sənaye istehsalı, kənd təsərrüfatı, turizm, səhiyyə, əczaçılıq, təhsil və informasiya texnologiyası sahələrində əməkdaşlığın daha da genişləndirməsi məqsədilə Protokol imzalayıb.
S.Kumar qeyd edib ki, Hindistan Azərbaycan, İran, Hindistan və Rusiyanın birgə təsis etdiyi Beynəlxalq Şimal-Cənub Nəqliyyat Dəhlizinin inkişafı üçün Azərbaycanın göstərdiyi səyləri qiymətləndirir. O bildirib ki, Beynəlxalq Şimal-Cənub Nəqliyyat Dəhliziregional iqtisadi və ticarət mübadilələrinə böyük təkan verəcək və gələcək illərdə regional nəqliyyata çevriləcəkdir.
O, həmçinin qeyd edib ki, Hindistan yükün bu marşrutla sürətli və səmərəli hərəkət etməsini təmin etmək məqsədilə gömrük və digər prosedurların səmərələşdirmək üçün bütün tərəfdaşlar arasında əlaqələndirmənin yaradılmasını dəstəkləyib.
Hindistanın Azərbaycanla dostluq və sıx münasibətlərə malikdir. Hindistan Azərbaycanı tanıyan və diplomatik münasibətlər quran ilk ölkələrdən biri olub.
Hindistanın səfiri Sanjay Rana qeyd edib ki, Hindistan-Azərbaycan əlaqələri güclü siyasi münasibətlər əsasında daha da güclənməkdə davam edir və qarşılıqlı əməkdaşlıq inkişaf etməkdədir.
Qeyd edək ki, Hindistanla Azərbaycan arasında ikitərəfli ticarət 2015-ci ilin müvafiq dövrü ilə müqayisədə 2016-cı ildə 28% artıb. Hindistanın ONGC-Videsh şirkəti Azəri-Çıraq-Günəşli (AÇG) neft yatağının və Bakı-Tbilisi-Ceyhan (BTC) boru kəmərinin tərəfdaşıdır.
Azərbaycan hökuməti qeyri-neft sektorunun inkişafı məqsədilə addımlar atır və Hindistan şirkətləri kənd təsərrüfatı, sənaye istehsalı, əczaçılıq və informasiya texnologiyaları kimi sahələrdə qeyri-neft sektorunun inkişafı üçün imkanlardan istifadə etməkdə maraqlıdırlar. Hindistanın əczaçılıq məhsulları və dərmanları münasib qiymətə əldə oluna biləcək yüksək keyfiyyətə malikdir.
