"WhatsApp" il ərzində 140 milyon dollar ziyan etdi

Ölkə.az-ın Türkiyə mətbuatına istinadən verdiyi xəbərə görə, "Facebook" 2014-cü ilin üçüncü rübü üçün maliyə hesabatını açıqlayıb.

"Facebook" həmdə 22 milyard dollara satın aldığı "WhatsApp"la bağlı ilk dəfə maliyə hesabatı yayımlayıb. 2014-cü ildə 140 milyon ziyan edən "WhatsApp", sadəcə 13 milyon dollar gəlir əldə edib. "WhatsApp"dan 3 qat çox istifadəçiyə sahib olan "Facebook" 3,2 milyard dollar qazanc əldə edib.

Hesabatda "Facebook"un "WhatsApp"a 22 milyard dolları nə üçün ödədiyi məsələsinə də toxunulub.

"Facebook" "WhatsApp"a istifadəçi sayına görə 2 milyard dollar, markası üçün 448 milyon dollar, texnologiyası üçün 288 milyon dollar və öz təşəbbüsü ilə 15,3 milyard dollar ödəyib.

"WhatsApp"ın illik xərci 13 milyard dollardır. Bu ilki 140 milyon dollarlıq ziyanın isə səbəbinin əvvəlki işçilərin hissə sənədlərinə ödənilən məbləğ olduğu açıqlanıb.

Attila
Ölkə.az