ABŞ-ın yeni qərarı Azərbaycan üçün arzu olunmayan senaridir

 

“Bloomberg”in məlumatına görə, Nümayəndələr Palatasının sədri, respublikaçı Pol Rayan bağlı qapılar arxasında keçirilən müşavirədə bildirib ki, artıq bu barədə razılıq əldə edilib. Belə ki, 1975-ci ildə ABŞ-ın xam neftinin ixracına qoyulmuş embarqonun ləğvi barədə razılığa gəlinib.

 

Məsələ ilə bağlı iqtisadçı ekspert Samir Əliyev Ölkə.Az-a bildirib ki, bu proseslər Azərbaycan üçün arzu olunmayan senaridir:

 

“Bu gün dünyada informasiya müharibəsi gedir. Bir tərəfdən neftin bahalaşmasına maraqlı olan qüvvələr var. Onlar maksimum dərəcədə informasiyalardan istifadə edərək beftin bahalaşacağını bildirirlər. Digər tərəfdən isə neftin ucuzlaşmazına maraqlı olan şəxslər var. Onlar da, bu sahədə müəyyən addımlar atırlar. Bildiyimiz kimi OPEK qərar qəbul etdi ki, neft hasilatını azaldacaqlar. Bu da bazara təsir göstərdi və neftin qiyməti bahalaşdı. Neftin qiymətini bahalşmasının təklifin azalması ilə bağlıdır. Neft artığını azalmaq istədilər. Amma elə proseslər var ki, neftin qiymətini ucuzlaşdıra biləcək proseslərdir. Bu gün elektromobil alternativ enerji mənbəyi kimi inkişaf edir. Neftdən kənar enerji hesab olunur. Üstəlik Trampın bəyanatı proseslərə hardasa təsir edir. ABŞ neft hasilatını artıra bilər. Bu da təbii ki, dünya bazarına təsirini göstərəcək. Hələlik bütün proseslər neftin qiymətinin ucuzlaşmasını göstərir. Gözlənilməyən prosesləri nəzərə almasaq, neftin əhəmiyyətli bahalaşması gözlənilmir. Mənə elə gəlir ki, neft 50-70 dollardan baha olmayacaq. Azərbaycan iqtisadiyyatı isə birbaşa neftdən asılıdır. Bu səbəbdən də, neftin ucuzlaşması arzu olunmayan senaridir”.