"Neftin qiyməti daha da bahalaşa bilər"
OPEC-in iclasları çərçivəsində görülən tədbirlərin dünya bazarında neftin qiymətlərinə təsiri oldu.
Ölkə.Az xəbər verir ki, bunu Trend-ə energetika naziri Natiq Əliyev deyib.
Nazir hesab edir ki, həmin tədbirlərin bundan sonra da təsiri olacaq:
“Ancaq o qədər də böyük təsir gözləmək lazım deyil. Biz hesab edirdik ki, iclasda qəbul edilən qərarlar neftin bir barelinin qiymətini 60 dollara qədər artırsın”.
Natiq Əliyev: Azərbaycan 2017-ci ildə OPEC-lə razılaşma çərçivəsində neft hasilatını azaldacaq.
N.Əliyevin fikrincə, gələn il dünya bazarında neftin qiyməti dünya iqtisadiyyatının inkişaf tempindən asılı olacaq:
“Gələn il dünya iqtisadiyyatında böyük sıçrayıs olacaqsa, iqtisadi inkişaf tempi müşahidə olunacaqsa, onda neftin qiyməti daha da bahalaşa bilər”.
