Dünyanın ən bahalı brendləri məlum oldu

"Apple" birinci pillədə qərarlaşıb

Ölkə.Az rus mətbuatına istinadən xəbər verir ki, ABŞ-ın məşhur "Forbes" jurnalı dünyanın ən bahalı brendlərinin reytinqini açıqlayıb.

Reytinqə əsasən, "Apple" brendinin dəyəri 124,2 milyard dollar məbləğində qiymətləndirilib. Bu rəqəm ötən illə müqayisədə 19% çoxdur.

"Forbes" jurnalının reytinq siyahısında ikinci yerdə brendi 63 milyard dollar məbləğində qiymətləndirilən "Microsoft" şirkətidir. 56,6 milyard dollar göstəriciyə malik "Google" brendi üçüncü, "Coca-cola" (56,1 milyard dollar) dördüncü, "IBM" (47,9 milyard dolalar) isə beşinci yerdədir.

Qeyd edək ki, ən bahalı brendlerin ilk onluğunda "McDonald`s" (39,9 milyard dollar), "General Electric" (37,1 milyard dollar), "Samsung" (35 milyard dollar), "Toyota" (31,5 milyard dollar) və "Louis Vuitton" (29,9 milyard dollar) kimi şirkətlər daxildir.

Bir çoxlarının gözləntilərinə baxmayaraq, Facebook onluğa daxil olmayıb. Qiymətləndirmələrə görə, Facebook" brendi 74% bahalaşma nəticəsində 23,7 milyard dollara çatıb. Dünyanın ən böyük sosial şəbəkəsi reytinqdə 18-ci pillədə qərarlaşıb.

Ümumillikdə isə tam siyahıya 100 brend daxil edilib.

Rəşid Mustafazadə

Ölkə.Az