\"Qazprombank\" rəsmisi: \"Azərbaycanda ən mürəkkəb, unikal layihələri həyata keçirə bilərik\"

"Ölkə.Az" xəbər verir ki, bu sözləri Rusiya "Qazprombank"ın Bakıya səfərə gələn biznes missiyasının toplantısında çıxış edən Bankın I vitse-prezidenti Aleksandr Kaznaçeyev deyib.

Aleksandr Kaznaçeyev qeyd edib ki, Bank Rusiya-Azərbaycan İşgüzar Şurasının üzvü olub: "Azərbaycanla həm ticari-iqtisadi, həm də sərmayə sahəsində bir sıra məsələlər müzakirə olunub". O, bu əməkdaşlıq çərçivəsində SOCAR-la münasibətləri xüsusi qeyd edib.

Bank rəsmisi bildirib ki, "SOCAR Polymer" layihəsi unikal layihədir və bu layihədə uğurlu əməkdaşlıq var: "Azərbaycanla münasibətimiz göstərir ki, buraya sərmayə yatıra bilərik. Burada ən mürəkkəb, unikal layihələri həyata keçirə bilərik".

Aleksandr Kaznaçeyev əlavə edib ki, "Qazprombank" Azərbaycan müəssisələrinə ən mürəkkəb texnologiyaları təqdim edə bilər: "İki illik əməkdaşlıq onu deməyə əsas verir ki, gələcəkdə biznesin inkişafına dəstək verə bilərik. Biz Azərbaycanda böyük uğurlara imza atırıq. Azərbaycan şirkətləri üçün perspektivlər mövcuddur".

Ölkə.Az