2020-ci il üzrə qaz hasilatının həcmi açıqlandı
"Ölkə.Az" APA-Economics-ə xəbər verir ki, bunu bu gün Bakıda keçirilən 24-cü Beynəlxalq Xəzər Neft-Qaz (“Caspian Oil&Gas”) konfransında Azərbaycanın energetika naziri Natiq Əliyev bildirib.
Onun sözlərinə görə, yeni kəşf edilmiş “Abşeron” yatağında ilk qaz 2020-ci ildə hasil ediləcək: “Azəri-Çıraq-Günəşli” yataqlar blokunun dərin laylarında qaz hasilatı isə 2026-cı ildə mümkün olacaq”.
Nazir bildirib ki, 2020-ci ildə “Şahdəniz-2” layihəsi çərçivəsində ilk qaz hasil ediləcək: “Bu bizə əlavə 16 milyard kubmetr həcmində qaz hasil etməyə imkan verəcək. Bununla da ölkədə 2020-ci ildə 44,5 milyard kubmetr qaz hasil ediləcək”.
Nazir bildirib ki, 2019-cu ildən etibarən Türkiyəyə nəql olunacaq qazın həcmi 12,6 milyard kubmetr təşkil edəcək: “2020-ci ildən isə Avropaya əlavə 10 milyard kubmetr qaz nəql olunacaq. Ümumilikdə, 2030-cu ilə qədər neft sektorunun inkişafı yeni yataqların kəşfi, bu sahədə çalışan enerji şirkətlərinin müasirləşdirilməsi, neft-qaz resurslarının istifadəsi ilə bağlı olacaq”.
