Prezident "Qaz təchizatı haqqında" qanuna dəyişiklikləri təsdiq edib
"Ölkə.Az" prezidentin rəsmi saytına istinadən xəbər verir ki, sərəncamda Nazirlər Kabinetinin Azərbaycan qanunları və Prezidentin aktlarının bu qanuna uyğunlaşdırılması ilə bağlı təkliflərini 3 ay müddətində hazırlayıb dövlət başçısına təqdim etməsi göstərilib.
Qeyd olunub ki, Nazirlər Kabineti normativ-hüquqi aktlarının həmin qanuna uyğunlaşdırılmasını 3 ay müddətində, mərkəzi icra hakimiyyəti orqanlarının normativ-hüquqi aktlarının qanuna uyğunlaşdırılmasını nəzarətdə saxlamalı və bunun icrası barədə 5 ay müddətində Prezidentə məlumat verməlidir.
Ədliyyə Nazirliyi mərkəzi icra hakimiyyəti orqanlarının normativ-hüquqi aktlarının və normativ xarakterli aktların “Qaz təchizatı haqqında” qanununda dəyişikliklər edilməsi barədə” qanuna uyğunlaşdırılmasını təmin edib Nazirlər Kabinetinə məlumat verməlidir.
