Dolların ucuzlaşma səbəbi məlum oldu

“Ölkə.Az” xəbər verir ki, xarici valyutalar üzrə ekspert Duqlas Bortvik bunun səbəbini ABŞ prezidenti Donald Trampın yürütdüyü siyasətdə görür. Onun sözlərinə görə, Tramp ixracı artırmaq məqsədilə dolların ucuzlaşmasını istəyir.

“Tramp ABŞ prezidenti postuna gələndən sonra dollar bir neçə faiz ucuzlaşıb. Yanvar ayından bəri dolların ucuzlaşması məhz Trampın yürütdüyü siyasi-iqtisadi kursdan asılıdır. ABŞ prezidentinin dolların ucuzlaşmasını dəstəkləməklə Amerikanın ixrac potensialını artırmaq istəyir”, - deyə Duqlas Bortvik bildirib.

Qeyd edək ki, Azərbaycanda da dollar ilin əvvəlinə nisdbətən xeyli ucuzlaşıb. Sonuncu dəfə dolların məzənnəsində rekord fevralın 1-də qeydə alınıb. Bu zaman USD/AZN məzənnəsi 1,9200 manat olmuşdu. Bu gün isə dolların məzənnəsi 1,7022 manat olub.

Azərbaycanlı mütəxəssislər də düşünürlər ki. D.Trampın dolları ucuzlaşdırma kursu nəticəsini verir. Ekspert Vüqar Bayramov bildirib ki, Trampın dollarla bağlı açıqlamaları qlobal birjalarda dünya pulunu ucuzlaşdırıb:

“Trampın istəyi sadədir, ucuz dollar ABŞ üçün daha çox ixrac imkanları və az idxal deməkdir. Bununla həmçinin Birləşmiş Ştatlar əzəli iqtisad rəqiblərini o cümlədən Çin, Avropa Birliyi və Yaponiyanı da zəiflətmək istəyir. Amma reallıq budur ki, dolları aparıcı valyutalara və eləcə də avroya nisbətən kəskin ucuzlaşdırmaq elə də asan deyil. ”İki ölkə" modelinə uyğun olaraq ABŞ-in iqtisadi rəqibləri də qabaqlayıcı tədbirlər həyata keçirəcəklər. Amma əgər Tramp və onun komandası bu məsələdə israrlı olarsa, o zaman dolların digər aparıcı qlobal valyutalara nisbətən məzənnəsi mərhələli şəkildə azala bilər", - deyuə V.Bayramov bildirib.

Ziya Səccad
Ölkə.Az