Bakı-Tbilisi-Qars layihəsinə qoşulmağa maraq göstərən ölkələrin sayı artır

Əfqanıstan, Türkmənistan, Azərbaycan, Gürcüstan və Türkiyə dəmir yolu daşımalarının təşkili barədə saziş üzərində işləyirlər.

Bunu cümə günü jurnalistlərə nəqliyyat nazirinin müavini Musa Pənahov deyib.

Onun sözlərinə əsasən, işlər Əfqanıstandan Türkmənistana yeni dəmir yolununun tikintisi və onun yeni Bakı-Tbilisi-Qars dəmir yolu xəttinə birləşdirilməsi layihəsi çərçivəsində aparılır.

Nazir müavini qeyd edib ki, hazırda Hindistan və Pakistan da Bakı-Tbilisi-Qars dəmiryol xətti layihəsinə qoşulmağa böyük maraq göstərir. Daha əvvəl Əfqanıstan və Qazaxıstan BTQ-yə qoşulmaqda maraqlı olduqlarını bildirmişdilər.(Trend)

Ölkə.Az