"Azərbaycan büdcəsində neftin qiyməti 90 dollardan hesablanıb"

Neftin qiyməti hər keçən gün daha da aşağı düşür.

Bunun Azərbaycan iqtisadiyyatına necə təsir edəcəyini neft sahəsi üzrə ekspert İlham Şaban Ölkə.az-a şərh edib.

İlham Şaban: "Gələn il üçün neftin qiyməti dövlət büdcəsində illik orta qiymətlə 90 dollardan hesablanıb. Neftin qiyməti hazırkı şəraitdə daha da düşə bilər, sonra qalxa da bilər. Azərbaycandakı iqtisadçılar, ekspertlər illik olaraq neftin qiymətini 90 dollar və civarında cəryan edəcəyini proqnozlaşdırıblar. Bu proqnozları verənlər yanıla da bilərlər, onların proqnozu gerçək də ola bilər. Amma reallıq ondan ibarətdir ki, büdcəni bu analiz əsasında qurublar.

Azərbaycan birici dəfə deyil ki, belə hadisə ilə qarşılaşır. Belə bir hadisə 2009-cu ildə də baş vermişdi. Əgər neftin qiyməti qalxmasa may ayında büdcəyə yenidən baxılır və Neft Fondundan büdcəyə pul transfer edilir. Bizim büdcənin yarıdan çoxunu Neft Fondundan transferlər həll edir. Hal-hazırda isə Neft Fondunda 37 milyard vəsait var".

Səxavət Məmməd
Ölkə.az