Koronavirusa yoluxan uşaqlarda bu sindrom yarana bilər

“Uşaqlar koronavirus xəstələyini yüngül keçirirlər, onlarda ağırlaşma və xəstəxanaya yerləşdirilmə hallarına az rast gəlinir”.

Ölkə.az xəbər verir ki, bunu Səhiyyə Nazirliyinin baş infeksionisti Təyyar Eyvazov deyib. O bildirib ki, bəzi uşaqlarda infeksiya keçdikdən sonra bəzi uşaqlarda multisistem iltihabi sindromu (MIS-C) yarana bilər:

“Ümumi payda yoluxma əsasən, 30-59 yaş qruplarında  - işləyən, iqtisadi aktiv insanlar arasında daha çox rast gəlinir. Biz bilirik ki, uşaqların yoluxmada rolu böyüklərə nisbətən daha azdır. Məktəblilər vaksinasiya olunmayan qrupdur və onların yoluxub bu xəstəliyi evə aparması evdə vaksin olunmayanların olması və ya xroniki xəstəliyi keçirənlərin olması təhlükəli haldır. İstənilən halda bu məsələyə ciddi yanaşılmalıdır”.

Billurə Yunus