Son sutkada koronavirusa yoluxanların və peyvənd olunanların sayı açıqlanıb

Azərbaycanda son sutka ərzində koronavirus (COVID-19) infeksiyasına yoluxanların və peyvənd olunanların sayı açıqlanıb.

Bu barədə "Ölkə.Az"a Nazirlər Kabineti yanında Operativ Qərargahdan məlumat verilib.

Bildirilib ki, son sutkada infeksiyaya 39 yeni yoluxma faktı qeydə alınıb və koronavirusa yoluxmuş 43 nəfər isə sağalıb. Xəstəlikdən 4 nəfər dünyasını dəyişib.

İndiyədək ölkədə ümumilikdə 829 115 nəfərin xəstəliyə yoluxması faktı müəyyən edilib, onlardan 818 715 nəfər müalicə olunaraq sağalıb, hazırda 249 aktiv xəstə var. Bu günə qədər 10 151 nəfər vəfat edib.

Məlumata görə, son sutka ərzində yeni yoluxma hallarının müəyyənləşdirilməsi ilə əlaqədar 820, bu günə qədər isə ümumilikdə 7 545 906 test icra olunub.