Bakıda qadına bıçaqla xəsarət yetirib, iyrənc hərəkət edən şəxs HAKİM QARŞISINDA

Bakıda qadına bıçaqla xəsarət yetirərək quldurluq cinayəti törətməkdə təqsirli bilinən Rauf Əsədovun cinayət işi üzrə ibtidai istintaq başa çatıb.

"Ölkə.Az" xəbər verir ki, cinayət işinin materialları baxılması üçün Bakı Ağır Cinayətlər Məhkəməsinə göndərilib.

Cinayət işi hakim Telman Hüseynovun icraatına verilib.

İş üzrə məhkəmə hazırlıq iclası noyabrın 12-nə təyin olunub.

Qeyd edək ki, hadisə iyulun 22-i saat 21:10 radələrində Nəsimi rayonu, 20 Yanvar küçəsində qeydə alınıb.

Belə ki, naməlum şəxs 1989-cu il təvəllüdlü G.Əlikişiyevanın əlindən mobil telefonunu quldurluq yolu ilə ələ keçirib. Bu zaman qadın telefonunu həmin şəxsdən geri almağa çalışıb. Naməlum şəxs isə qadına bıçaq xəsarətləri yetirib.

Nəsimi Rayon Polis İdarəsinin 19-cu Polis Şöbəsi əməkdaşlarının “isti izlər”lə keçirdikləri əməliyyat-axtarış tədbirləri nəticəsində quldurluq əməlində şübhəli bilinən Biləsuvar rayon sakini, 1993-cü il təvəllüdlü Rauf Əsədov müəyyən edilərək saxlanılıb.

Faktla bağlı Cinayət Məcəlləsinin 181-ci (quldurluq) maddəsi ilə cinayət işi başlanılıb.

Ölkə.Az