Oğuz sakini həmyerlisini bıçaqlayıb
Oğuz rayonunda həmyerlisinə bıçaqla xəsarət yetirməkdə təqsirli bilinən Pərvin Lətifovun cinayət işi üzrə ibtidai istintaq başa çatıb.
"Ölkə.Az" xəbər verir ki, cinayət işinin materialları baxılması üçün Şəki Ağır Cinayətlər Məhkəməsinə göndərilib
Cinayət işi hakim Nahid Mirzəyevin icraatına verilib.
İş üzrə məhkəmə hazırlıq iclası noyabrın 17-nə təyin olunub.
Qeyd edək ki, hadisə rayonun Şirvanlı kəndində baş verib.
Belə ki, həmin kəndin sakini, 1992-ci il təvəllüdlü Pərvin Nəsrəddin oğlu Lətifov şəxsi münaqişə zəminində həmkəndlisi, 1990-cı il təvəllüdlü Röyal Ramiz oğlu Abdullayevə bıçaqla xəsarət yetirib.
30 yaşlı Röyal Abdullayev Şəki Rayon Mərkəzi Xəstəxanasına çatdırılıb. Onun həyatını xilas etmək mümkün olub. Hadisəni törədən 28 yaşlı Pərvin Lətifov Oğuz Rayon Polis Şöbəsinin əməkdaşları tərəfindən saxlanılıb.
Ölkə.Az
