Sevdiyi qızın xalası oğlunu zarafata görə öldürdü - BAKIDAKIxa0CİNAYƏTİN TƏFƏRRÜATI

"Ölkə.Az" xəbər verir ki, qətl hadisəsi Nərimanov rayonunda baş verib. Rayonun Şahin Mustafayev küçəsində İbrahim Sadıqov aralarında yaranan mübahisə zamanı sevdiyi qızın xalası oğlu İslam Hüseynova çoxsaylı bıçaq xəsarətəri yetirib. Yaralı aldığı xəsarətlərdən elə hadisə yerində dünyasını dəyişib.

İttihama görə, İbrahim Sadıqov sevdiyi Günel Əsgərovadan "yox" cavabı alıb. G.Əsgərovanın ailəsi də bu evliliyə razı olmayıb. G.Əsgərova yaşadığı rayondan Bakıya, xalasıgilə gəlib.  İbrahim Sadıqov Günel Əsgərovanın xalasıgilə zəng edərək onunla danışmaq istəyib. Telefona G.Əsgərovanın xalası oğlu İslam Hüseynov cavab verib.

İbrahim Sadıqov Günellə danışmaq istəsə də xalası oğlu buna icazə verməyib. Bu zaman İbrahim Sadıqov daha əvvəl tanıdığı İslam Hüseynovla zarafat edərək "Güneli anası ilə birlikdə qaçıracağam" deyib.

İ.Sadıqovun bu zarafatı İslam Hüseynovun xoşuna gəlməyib və ona xəbərdarlıq edib. Bu zaman telefonda mübahisə etməyə başlayıblar. Daha sonra tərəflər bu mübahisəni "həll etmək" üçün görüşüblər. Nərimanov rayonu ərazisindəki görüşə İbrahim Sadıqov tək İslam Hüseynov isə qardaşı ilə gəlib. İ.Sadıqov təkbətək söhbət etmək adı ilə İslam Hüseynovu qardaşının yanından ayırıb. Söhbət əsnasında onlar yenə də mübahisə ediblər və İbrahim Sadıqov üzərində gətirdiyi bıçaqla İslam Hüseynova çoxsaylı zərbələr endirib. 33 yaşlı İslam Hüseynov aldığı xəsarətlərdən hadisə yerində dünyasını dəyişib.

İbrahim Sadıqov isə könüllü polisə gələrək təslim olub.  

Təqsirləndirilən şəxs qismində dindirilən İbrahin Sadıqov ifadəsində bildirib ki, İslamla zənləşib gözürəşəndən sonra təklikdə söhbət etməyə razılaşıblar:" Hava artıq qaralmışdı,  küçədə sağa dönüb biraz geniş yerə gəldik. İslam söyüş söyən kimi bıçaqı çıxarıb qarnına zərbə vurdum. Yenə söyüş söyüb əks tərəfə qaçdı. Dəmirə dəyib yıxılanda ona çatıb daha iki bıçaq zərbəsi vurdum". 

İbrahim Sadıqov daha sonra bildirib ki, taksiyə minərək hadisə yerindən uzaqlaşıb. Yolda dayısına zəng edərək İslamı bıçaqladığını deyib. Sonra isə anası ilə görüşüb hadisə barədə danışıb və polisə gələkər təslim olub.

Məhkəmə prosesində İbrahim Saqıdov özünü qismən təqsirli bilib.  

Sonda məhkəmənin hökmü ilə 1995-ci il təvəllüdlü İbrahim Sadıqov 18 il müddətinə azadlıqdan məhrum edilmə cəzasına məhkum olunub.

Ölkə.Az