Göygöldə qız sevgilisi ilə birlikdə bıçaqlanıb

"Ölkə.Az" xəbər verir ki, cinayət işinin materialları baxılması üçün Gəncə Ağır Cinayətlər Məhkəməsinə göndərilib.

Cinayət işi hakim Dadaş İmanovun icraatına verilib.

İş üzrə məhkəmə hazırlıq iclası yanvarın 21-nə təyin olunub.

Qeyd edək ki, hadisə rayon ərazisindəki "Vətən" kafesində baş verib.

Rayon sakini, 1995-ci il təvəllüdlü Yusif Rəhimov və onunla qeyri-rəsmi münasibətdə olan, 1992-cü il təvəllüdlü Günel Hüseynova bıçaqlanıblar. Onlar kəsilmiş-deşilmiş xəsarətlərlə xəstəxanaya yerləşdiriliblər.

Hüquq-mühafizə orqanları tərəfindən hadisəni törətməkdə şübhəli bilinən 2002-ci il təvəllüdlü Aslan Verdiyev tutulub.

Faktla bağlı Göygöl rayon Polis Şöbəsində Cinayət Məcəlləsinin 126.1-ci (qəsdən sağlamlığa ağır zərər vurma) maddəsi ilə cinayət işi başlanıb.

Ölkə.Az