Qusarda anasını öldürən oğuldan XƏBƏR VAR

Qusar rayonunda anasını qətlə yetirməkdə təqsirli bilinən Nail Əhmədovun cinayət işi üzrə ibtidai istntaq başa çatıb.

"Ölkə.Az" xəbər verir ki, cinayət işinin materialları baxılması üçün Bakı Ağır Cinayətlər Məhkəməsinə göndərilib.

Cinayət işi hakim İradə Həsənzadənin icraatına verilib.

Qeyd edək ki, hadisə Qusarın Xürel kəndində baş verib. 1995-ci il təvəllüdlü Nail Hacıağa oğlu Əhmədov 49 yaşlı anası Raifə Aydabəy qızı Əhmədovanın boğaz nahiyəsinə bıçaq zərbələri endirərək öldürüb.

25 yaşlı gənc hadisəni törətdikdən sonra qohumlarına zəng edib, anasını qətlə yetirdiyini bildirib və evdən qaçıb.

O Xürel kəndində əmisi Səttar Əhmədovun həyətindəki tövlənin damında gizlənib. Bu barədə əmisi Səttar Əhmədov Qusar rayon polis şöbəsinə məlumat verib və Nail Əhmədov polislər tərəfindən yaxalanaraq Qusar rayon prokurorluğunda istintaqa təhvil verilib.

Nail Əhmədov subay olub. Anası ilə birlikdə yaşayırmış. Atası Hacağa Əhmədov 10 il əvvəl faciəli hadisə nəticəsində ölüb.

Ölkə.Az