İçki məclisində tanışının sevgilisinə əxlaqsız təklif etdi, vintaçanla öldürdülər - TƏFƏRRÜAT
“Ölkə.Az” xəbər verir ki, hadisə Nəsimi rayonu Həzi Aslanov küçəsində baş verib. Həmin ərazidə 1978-ci il təvəllüdlü Ruslan Cavadovun üzərində çoxsaylı xəsarətlər olan meyiti aşkarlanıb.
Polis və prokurorluq orqanları əməkdaşlarının əməliyyat-axtarış və istintaq tədbirləri nəticəsində qətli törətməkdə şübhəli bilinən əvvəllər məhkum olunmuş Astara rayon sakini Azad Mürsəlov və Babək rayon sakini Lətifə Zamanova tutulublar.
İstintaqla müəyyən olunub ki, Azad Mürsəlov yanışları Lətifə Zamanova və Ruslan Cavadov və Məmməd Rüstəmovla birlikdə spirtli içkilər qəbul ediblər. O, sərxoş vəziyyətdə Ruslan Lətifəyə söz atdığını və əvvəllər onunla cisi əlaqədə olması barədə yalan danışmasını irad tutub. Bu səbəbdən baş verən mübahisə zamanı Azad Mürsəlov və Lətifə Zamanova qəddarlıqla Ruslanın bədəninə həm yumruqla, həmdə küt alətlə çoxsaylı zərbələr endirərək onu qətlə yetiriblər.
İş üzrə dindirilən Azad Mürsəlov bildirib ki, əvvəllər dəfələrlə məhkum olunduğu üçün ailə üzvlərindən ayrı yaşayıb. Lətifə Zamanova ilə bir il əvvəl tanış olub qeyri-rəsmi yaşayıblar. Hər ikisi tüfeyli həyat tərzi keçiriblər.
Hadisə baş verən günü tanışları Ruslan və Məmmədlə görüşüb həmişə yığışdıqları Həzi Aslanov küçəsindəki həyətə gediblər. İkinci şüşəni içməyə başlayarkən Ruslan Lətifəyə cinsi əlaqədə olmağı təklif edib. Bunu eşidən Azad onunla yaşadığı halda hansı səbəbə görə Zamanovaya pozğun təklif etdiyini soruşub. Cavadov əvvəl belə söz demədiyini bildirsə də, sonradan onun necə qadın olduğunu hamının bildiyini söyləyib. Ruslanın sözlərindən əsəbləşən Lətifə yumruq zərbəsi ilə onu vurub yerə yıxıb. Daha sonra hər ikisi ona yumruq və ayaqla zərbələr vurmağa başlayıblar. Qadın yerdən tapdığı vintaçanla Ruslanı bir neçə dəfə vurduqdan sonra Azad aləti qadının əlindən alıb Ruslanın boyun nahiyyəsinə güclü zərbə endirib. Cavadovun öldüyünü görüb oradan uzaqlaşıblar.
Hadisədən iki gün sonra polis əməkdaşları tərəfindən hər iki şəxs saxlanılıb.
Məhkəmə prosesi zamanı Mürsəlov və Zamanova özlərini təqsirli bilməyiblər.
Sonda məhkəmənin hökmü ilə Azad Mürsəlov və Lətifə Zamanova ümumilikdə 35 il azdlıqdan məhrum etmə cəzasına məhkum olunublar.
Ölkə.Az
