Bakıda kişi 2 uşaq anasını küçədə öldürdü - TƏFƏRRÜAT

“Ölkə.Az” xəbər verir ki,hadisə Yasamal rayonunda baş verib. Kirayədə yaşayan  43 yaşlı Ələkbər Quliyev qısqanclıq zəminində 42 yaşlı həyat yoldaşı Firuzə Quliyevaya küçənin ortasında çoxsaylı bıçaq xəsarətləri yetirib.

10-dan çox bıçaq zərbəsi alan Firuzə Quliyeva hadisə yerində keçinib. Cinayəti törətməkdə şübhəli bilinən Ağdaş rayon sakini Ələkbər Quliyev könüllü polisə gələrək, təslim olub.

İş üzrə dindirilən Əkbər Quliyev ifadəsində bildirib ki, 1992-ci ildə Firuzə ilə ailə həyatı qurub və həmin nigahdan 2 övladı olub. 2003-cü ilə Ağdaş rayonunda yoldaşının adına torpaq sahəsi alıb ev tikib və ailəsi ilə birlikdə orada yaşayıb. 2013-cü ildən yoldaşı Firuzə şirniyyat sexində işləyib. Yoldaşı ilə münasibəti həmişə yaxşı olub. Lakin 2016-il avqustun 8-də baş vermiş bir hadisə onun bütün həyatını alt-üst edib. Arvadının hərəkətlərindən şübhələnərək onu izləməyə başlayıb.

Səhər saatlarında Firuzə evlərinin yaxınlığında “VAZ 21015” markalı avtomobilə əyləşərək harasa gedib. Xəyanət etdiyini başa düşərək həmin gün onu döyüb. Oğlu təcili yardım stansiyasına zəng edib və qadını xəstəxanaya aparıblar. Bu hadisədən sonra ailədə mübahisə tez-tez baş verməyə başlayıb.

Bir müddət sonra Firuzə oğlunu və gəlinini götürüb işləmək məqsədi ilə Bakıya gedib. Oğlu Talehlə danışıb hal-əhval tutarkən bilib ki, onlar Yasamal rayonu ərazisində yaşayırlar və yoldaşı kafedə işləyir. Ailəsi üçün darıxdığından martın 22-də Bakıya yollanıb. Növbəti gün səhər saat 9-da arvadını iş yerinə qədər ötürüb geri qayıdıb.

Firuzənin xəyanət etməsi ilə bağlı şübhələri onu çox narahat edib. Mətbəx bıçağını götürüb cibinə qoyub və saat 21:00 radələrində evdən çıxıb kafeyə gedib. Arvadı işdən çıxandan sonra piyada hərəkət edib sonra isə taksi ilə “Qanlı göl” ərazisinə gəliblər. Arvadını öldürmək üçün münasib an gözləyib. Evə doğru addımlayarkən tapdığı əşyaları Firuzəyə göstərərək onların kimə məxsus olduğunu soruşub. Bu vaxt qadın özünü itirib və heç nə demədən onu itələyib qaçmağa başlayıb. Təxminən 50 metrdən sonra ona çataraq bir daha kiminlə gəzdiyini soruşub. Yoldaşı heç kimlə münasibəti olmadığını deyib. Bu zaman Əkbər bıçaqla qadının döş qəfəsinə və qarnına xəsarətlər yetirib. Qadın aldığı xəsarətlərdən hadisə yerində dünyasını dəyişib. Kənardan bir nəfərin onlara tərəf gəldiyini görən Əkbər magistral yol istiqamətində qaçıb. Oradan taksi ilə Yasamal RPİ-nə gedərək hadisə barədə məlumat verib.

Ölkə.Az xəbər verir ki, məhkəmə prosesi zamanı Əkbər Quliyev əməlini səmimi etiraf etməsini və polisə könüllü gələrək təslim olmasını nəzərə alınmasını xahiş edib.

Sonda məhkəmənin hökmü ilə Əkbər Quliyev CM-nin 120.1 (qəsdən adam öldürmə) maddəsi ilə təqsirli bilinərək 10 il 6 ay müddətinə azadlıqdan məhrum edilib.

Ölkə.Az