Alimentə görə keçmiş qayınatası ilə mübahisə etdi, küçədə öldürüb qaşdı - Qanlı cinayətin təfərrüatı

"Ölkə.Az" xəbər verir ki, hadisə Sabunçu rayonunun Maştağa qəsəbəsində baş verib.

1981-ci il təvəllüdlü Şabanov Samir Valeh oğlu keçmiş  qayınatası, 1965-ci il təvəllüdlü Hətəm Şabanovu kəsici və küt alətlərlə vuraraq öldürüb. S.Şabanov polis tərəfindən tutularaq istintaqa təhvil verilib.

Təqsirləndirilən şəxs qismində dindirilən Samir Şabanov ifadəsində bildirib ki, 2011-ci ildə Zülfiyyə Şabanova ilə ailə həyatı qurub. Qazaxstanda 7-8 ay işlədikdən sonra Bakıya qayıdıb. O, Qazaxstanda olduğu müddətdə yoldaşı ilə aralarında problemlər yaranıb: " Zülfiyyə mənim qayıtmağımı istəyirdi. Mən dedim ki, işlərim var hələ qayıda bilmirəm. Belə aramızda mübahisələr yaranırdı. 2013-cü ildə Bakıya qayıdanda Zülfiyyənin məndən boşandığını bildim".

Şabanov  daha sonda ifadəsində bildirib ki, Zülfiyyə gilə barışmaq üçün getsə də, onun atası Hətəm Şabanov onların barışmağına razı olmayıb. Aliment vermədiyinə görə 6 min manat borcu yaranıb. Həmin məbləğin 2 min manatını ödəsədə 4 min manat borclu qalıb: " Məni icra şöbəsinə çağırdılar dedilər ki, borcu ödəməlisən yoxsa həbs olunacaqsan. Həmin gün evdə televizora baxıb yatdım. Təxminən saat 1-də yuxudan oyandım. Keçmiş qayınatamın mənə etdikləri yadıma düşdü. Dedim gedim onunla məsələni həll edim".

Samir Şabanov bir neçə il əvvəl aldığı dəmir dəyənəyi və bıçaqı götürüb keçmiş qayınatasının evinə gedib. Çöldə olan sayğacdan evin işıqını söndürüb və qapını döyüb. Bir necə dəqiqə sonra qayınatası çölə çıxdıqda Samir ondan ailəsini niyə dağıtdığını sorüşüb.

Daha sonda onlar birlikdə evdən təxminən 40 metr uzaqlaşıblar. Həmin yerdə yarım saata yaxın mübahisə ediblər. Qayınatası aliment ödəmədiyi halda onu tutduracağı ilə hədələyib və yaxasından yapışaraq ağzına yumruqla zərbə endirib. 

Cavad olaraq Samir dəyənəklə Hətəm Şabanovun başından, qolundan və dizindən zərbələr vurub. Sonuncu halsız vəziyyətdə uzanan zaman Samir cibindən bıçağı çıxarıb onun sifət nahiyyəsinə xəsarətlər yetirib. Sonra öldüyünü başa düşüb hadisə yerindən qaçıb. 

Səhər saatlarında anası və qardaşına Hətəm Şabanovu öldürdüyünü deyib. Bir qədər sonra polis əməkdaşları gələrək onu bölməyə aparıblar.

Məhkəmə prosesi zamanı Samir Şabanov ittiham olunduğu CM-nin 120.2.4-cü ( xüsusi amansızlıqla qəsdən adam öldürmə) maddəsi ilə razı olmadığını bildirib və əməlinin 120.1-ci ( qəsdən adam öldürmə) maddəsinə tövsif olunmasını xahiş edib.

Sonda məhkəmənin hökmü ilə Samir Şabanov 18 il müddətinə azadlıqdan məhrum olunub.

Ölkə.Az