Mətn ölçüsü:
  • 100%

"Dönər əzildi, sən əzilmədin ki", dedi dava düşdü - Bakıdakı qətlin təfərrüatı

Bakıda kütləvi dava zamanı qətl törədən Vüqar Babayev, Orxan Binnətov və İlkin Xəlillinin cinayət işi üzrə təfərrüatlar məlum olub.

"Ölkə.Az" xəbər verir ki, Kliniki Tibbi Mərkəzdən Binəqədi Rayon Polis İdarəsinə bıçaq yarası ilə daxil olan və dünyasını dəyişən Anar Tağıyev barəsində məlumat verilib.

Araşdırma zamanı məlum olub ki, hadisə M.Ə.Rəsulzadə qəsəbəsində yerləşən avtoyuma məntəqəsinin yaxınlığında baş verib.

Hadisədən iki gün sonra Bakı şəhər sakinləri 1998-ci il təvəllüdlü Vüqar Babayev və 1993-cü ilə təvəllüdlü Orxan Binnətov prokurorluğa gələrək, təslim olublar. Bir neçə gün sonra isə 1996-cı il təvəllüdlü İlkin Xəlilli Saxlanılıb. 

İş üzrə dindirilmiş Vüqar Babayev ifadəsində bildirib ki, yanvarın 4-də məhəllədə yaşayan dostları Orxan və İlkinlə görüşüb. Bir az keçmiş Orxanın yoldaşı dönər yemək istədiyini deyib. Avtomobili olmadığına görə o, Əli adlı dostuna zəng edib. Dostu şadlıq sarayının qarşısına gələndən sonra 4-cü mikrorayona gediblər. Dönər alıb Eldar Babayev küçəsinin yanındakı avtoyuma məntəqəsinin yanına qayıdıblar. Vüqar küçə ilə evlərinə doğru bir az hərəkət edib İlkin və Orxanla sağollaşıb. Ayrıldıqdan 1-2 dəqiqə sonra səs-küy eşidib geri dönüb. Qayıdanda bilib ki, Orxan tanımadığı şəxslə çiyin-çiyinə dəyib və buna görə mübahisə başlayıb. 

281387

"Orxanla çiyin-çiyinə dəyəndə ona (Anara) deyib ki, yavaş ol da dönər əzildi ki, oda qayıdıb deyib ki, sən əzilmədin ki, dönərdi də əzilib əzilib. Buna görə mübahisə başlayıb".

Vüqar səbirli olmalarını, hər kəsin çıxıb, öz evinə getməsini məsləhət görsə də, Anar əsas yola çıxmaqlarını və orada söhbətlərini davam etmələrini bildirib.

Telefonla kiməsə zəng edərək ucadan “qayıt geri, söhbətim düşüb”, deyib.

Ağ rəngli “Hyundai” markalı avtomobil gələn kimi, Anar qabaq oturacağa əyləşib, Orxandan maşına oturmasını tələb edib. Dostu sağ arxa qapını açıb, əyləşib, bu zaman İlkin onların iki nəfər olduğunu və heç yerə getməməsini bildirib. Orxan fikirləşib, tez avtomobildən düşüb.

281389

Fotoda Vüqar Babayev

Vüqar Babayev ifadəsinin davamında bildirib ki, Anar və sükan arxasında olan şəxs Orxanın üzərinə gediblər. Yumruqla zərbələr vurub onu yerə yıxıblar.

Vüqarın sözlərinə görə, qaranlıq olduğundan sanki Anarın əlində hansısa əşyanı görüb və bu səbəbdən bıçaqla ayağına bir zərbə vurub ki, ondan aralansın. Sonra qarşısına çıxan Ziyada da xəsarət yetirib.

"Mən onları ayırmaq istəyəndə, mənə yumruq atdı. Sonra başladılar İlkini vurmağa. Gördüm artıq İlkini çox vururlar bıçağı çıxarıb ayağından vurdum. Gördüm, o biri tərəfdə o biri oğlan da Orxanı döyür. Orxan da qışqırırdı. Getdim ayırmağa, gördüm, ayıra bilmirəm, onun da ayağından bıçaqla vurdum". 

281387

Daha sonra Orxanla birlikdə İlkinin qolundan tutudum yaşadığı evə aparıblar. 

Hadisədən iki gün sonra dayısı oğluna zəng edəndə, qohumu davada xəsarət alan Anarın öldüyünü və polis əməkdaşlarının onları axtardığını deyib. Buna görə də Orxana zəng edib və birlikdə könüllü rayon prokurorluğuna gedib, təslim olublar.

Təqsirləndirilən Orxan Binnətov bildirib ki, hadisə yerindən qaçdıqdan sonra atası ağır xəstə olduğundan, qorxudan evə getməyib. İki gün sonra evlə əlaqə saxlayanda bıçaqlanan şəxsin öldüyünü və polislərin onu axtardığını öyrənib.

Digər təqsirləndirilən İlkin Xəlilli bildirib ki, evdə anası paltarlarının çirkli olduğunu görüb ondan dalaşıb-dalaşmadığını soruşub. O da yıxıldığını söyləyərək paltarlarını soyunub və yatıb. Səhəri gün eşidib ki, axşam dalaşdıqları oğlanlardan biri ölüb.   

Orxan Binnətov və İlkin Xəlillinin barələrində seçilmiş həbs tədbiri ev dustaqlığı qətimkan tədbiri ilə əvəz edilib. Zərərçəkmiş şəxsin hüquqi varisi təqsirləndirilən şəxslərin ağır cəzalandırılmasını xahiş edib.

281388

Məhkəmə iclasında Vüqar Babayev, Orxan Binnətov və İlkin Xəlilli özlrini qismən təqsirli biliblər.  

Zərərçəkmiş şəxsin hüquqi varisi təqsirləndirilən şəxslərin ağır cəzalandırılmasını xahiş edib.

Sonda məhkəmənin hökmü ilə Vüqar Babayev 10 il müddətinə azadlıqdan məhrum olunub.
Orxan Binnətov və İlkin Xəlilliyə isə 1 il 10 ay müddətinə azadlığın məhdudlaşdırılması cəzası təyin edilib. 

Natiq

Ölkə.Az