Ağdaşda qardaşını və həmkəndlisini güllələyən şəxsin məhkəməsi başlayır

Ağdaş rayonunda qardaşını odlu silahla qətlə yetirib, həmkəndlisini güllələyərək yaralamaqda təqsirli bilinən Mustafa Aləşrəfovun cinayət işi üzrə ibtidai istintaq başa çatıb.

"Ölkə.Az" xəbər verir ki, cinayət işinin materialları baxılması üçün Şəki Ağır Cinayətlər Məhkəməsinə göndərilib.

Cinayət işi hakim Nahid Mirzəyevin icraatına verilib.

İş üzrə məhkəmə hazırlıq iclası dekabrın 29-na təyin olunub.

Qeyd edək ki, bu ilin iyun ayında Ağdaş rayonunun Abad kəndi ərazisində kənd sakini Mustafa Aləşrəfov aralarında baş verən dava zamanı ov tüfəngindən atəş açaraq qardaşı, 59 yaşlı Aləşrəfov Qələndər Qulu oğlunu güllələyib. Daha sonra isə o həmkəndlisi Cəmil Quliyevə xəsarət yetirib.

Qələndər Ələşrəfov aldığı xəsarətlərdən hadisə yerində dünyasını dəyişib. 

Xəstəxanaya yerləşdirilən Cəmil Quliyevin isə həyatını xilas etmək ümükün olub.

Cinayət əməlini törətməkdə şübhəli bilinən Mustafa Aləşrəfov saxlanılaraq istintaqa təhvil verilib Ondan cinayəti törədərkən istifadə etdiyi müvafiq sənədləri olmayan “İJ” markalı ov tüfəngi götürülüb.