Sumqayıtda qəsdən adam öldürən şəxsin məhkəməsi başlayır
Sumqayıtda qəsdən adam öldürməyə cəhddə təqsirləndirilən Rahib Yunisovun cinayət işi üzrə ibtidai istintaq yekunlaşıb.
"Ölkə.Az" xəbər verir ki, cinayət işinin materialları baxılması üçün Sumqayıt Ağır Cinayətlər Məhkəməsinə göndərilib.
Cinayət işi hakim Fəhmin Hümbətobun icraatına verilib.
İş üzrə məhkəmənin hazırlıq iclası yaxın günlərdə keçiriləcək.
Qeyd edək ki, hadisə 2021-ci ilin sentyabrında Sumqayıt şəhər bulvar ərazisində qeydə alınıb.
Belə ki, şəhər sakini, 1978-ci il təvəllüdlü R.Yunisov şəxsi münasibətlər zəminində aralarında yaranmış mübahisə zamanı 1988-ci il təvəllüdlü İlkin İbişova bıçaqla ağır xəsarətlər yetirib.
Faktla bağlı Sumqayıt şəhər Prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd etmə) maddəsi ilə cinayət işi başlanıb.
R.Yunisov şübhəli şəxs qismində tutularaq istintaqa cəlb olunub.
