Bakıda iki azyaşlı qıza əxlaqsızlıq edən kişi şikayətçidir

Paytaxtda iki azyaşlı qıza qarşı seksual xarakterli hərəkətlər etməkdə təqsirli bilinən 1964-cü il təvəllüdlü Eynullayev Eynulla Əmir oğlu Ali Məhkəməyə şikayət edib.

"Ölkə.Az" xəbər verir ki, onun şikayətinə hakim Şahin Yusifovun sədrliyi ilə keçiriləcək məhkəmə prosesində baxılacaq.

İş üzrə məhkəmə baxış iclası martın 15-nə təyin olunub.

Məlumata görə, Xəzər rayonu, Binə qəsəbəsi, Rizvan Məmmədhüseynov küçəsində 11 və 12 yaşlı qızlara qarşı seksual xarakterli hərəkət edilməsi barədə polisə məlumat daxil olub.

Xəzər Rayon Polis İdarəsinin 3-cü polis bölməsinin əməkdaşlarının apardığı axtarışlar nəticəsində hadisəni törədən şəxsin Eynullayev Eynulla Əmir oğlu olması müəyyən edilib.

Ona qarşı Cinayət Məcələsinin 150.1-ci (Zərərçəkmiş şəxsə və ya başqa şəxslərə zor tətbiq etməklə və ya belə zor tətbiq etmə hədəsi ilə və ya zərərçəkmiş şəxsin köməksiz vəziyyətindən istifadə etməklə uşaqbazlıq və ya seksual xarakterli digər zorakılıq hərəkətləri etmə) maddəsi ilə ittiham irəli sürülüb.

Qeyd edək ki, istintaqı yekunlaşan cinayət işi baxılması üçün Bakı Ağır Cinayətlər Məhkəməsinə göndərilib.

Hakim İradə Həsənzadənin sədrliyi ilə keçirilən prosesdə təqsirləndirilən şəxsə hökm oxunub.
Məhkəmənin hökmü ilə Eynulla Eynullayev təqsirli bilinərək 15 il müddətinə azadlıqdan məhrum edilib.

Natiq
Ölkə.Az