Ağdamda anasını bıçaqlayan oğul hakim qarşısında

Ağdamda anasını bıçaqlayaraq xəsarət yetirməkdə təqsirli bilinən Eltun Kərimovun cinayət işi üzrə ibtidai istintaq başa çatıb.

"Ölkə.Az" xəbər verir ki, cinayət işinin materialları baxılması üçün Gəncə Ağır Cinayətlər Məhkəməsinə göndərilib.

Cinayət işi hakim Dadaş İmanovun icraatına verilib.

İş üzrə məhkəmə hazırlıq iclası dekabrın 7-nə təyin olunub.

Qeyd edək ki, hadisə hadisə rayonun Çəmənli kəndində qeydə alınıb. 2000-ci il təvəllüdlü Eltun Kərimov aralarında yaranan mübahisə zamanı anası 1977-ci il təvəllüdlü Elnurə Kərimovanı bıçaqlayıb.

Yaralı dərhal polis əməkdaşları tərəfindən Ağdam Rayon Mərkəzi Xəstəxanasına çatdırılıb.

Həkimlərin səyi nəticəsində onun həyatını xilas etmək mümkün olub.

Keçirilmiş tədbirlərlə Eltun Kərimov saxlanılıb.

Faktla bağlı Eltun Kərimova qarşı Cinayət Məcəlləsinin 126.1-ci maddəsi ilə ittiham irəli elan olunub.

Natiq