Masallıda arvadını qətlə yetirən ər yenidən hakim qarşısında

Masallıda arvadını qətlə yetirməkdə təqsirli bilinən Rövşən Orucov Ali Məhkəməyə şikayət edib.

"Ölkə.Az" xəbər verir ki, onun şikayətinə hakim İlkin Rəcəbovun sədrliyi ilə keçiriləcək məhkəmə prosesində baxılacaq.

İş üzrə məhkəmə baxış iclası martın 9-na təyin olunub.

Qeyd edək ki, Ruhiyyə Şükürovanın üzərində zorakılıq əlamətləri olan meyitinin aşkar edilməsi barədə rayon prokurorluğuna məlumat daxil olub.

İstintaqla zərərçəkmişin əri Rövşən Orucovun arvadı ilə aralarında ailə-məişət zəminində baş vermiş mübahisə zamanı üzərində olan bıçaqla Ruhiyyə Şükürovanın bədəninin müxtəlif nahiyələrindən çoxsaylı zərbələr vuraraq qəsdən öldürməsinə əsaslı şübhələr müəyyən edilib.

R.Orucov təqsirləndirilən şəxs qismində cəlb olunaraq barəsində həbs qətimkan tədbiri seçilib.