Bakıda ərini öldürməyə cəhddə təqsirləndirilən qadının məhkəməsi başlayıb

Bakıda ərini öldürməyə cəhddə təqsirləndirilən Lalə İmaşovanın cinayət işi üzrə məhkəmə iclası başlayıb.

"Ölkə.Az" xəbər verir ki, Bakı Ağır Cinayətlər Məhkəməsinin hakimi Novruz Kərimovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.

Daha sonra dövlət ittihamçısı Elvin Mirzəyev işin məhkəmə baxışına verilməsini təklif edib.

Məhkəmənin baxış iclası iyunun 7-nə təyin olunub.

Qeyd edək ki, hadisə bu ilin yanvarında paytaxtın Qaradağ rayonu, Qızıldaş qəsəbəsində baş verib.

Belə ki, 1995-ci il təvəllüdlü L.İmaşova həyat yoldaşı, 1987-ci il təvəllüdlü Ceyhun İmaşovanı balta ilə xəsarət yetirməkdə şübhəli bilinərək saxlanılıb.

Onun barəsində Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi ittiham elan olunub.