Uşaqları dükana göndərib arvadını boğub öldürdü - Təfərrüat

Bakıda ar vadını qətlə yetirməkdə təqsirli bilinən Müzəffər Piriyevin cinayət işi təfərrüatlar məlum olub.

"Ölkə.Az" xəbər verir ki, hadisə Səbail rayonunda baş verib. 1971-ci il təvəllüdlü Müzəffər Piriyev ailə-məişət münaqişəsi zəminində həyat yoldaşı, 1982-ci ildə anadan olmuş Abbasova Cəlalə Yaşıl qızını boğaraq öldürüb.

Hadisədən sonra Müzəffər Piriyev könüllü polisə təslim olub.

Saxlanılan Müzəffər Piriyev ifadəsində göstərib ki, əvvəllər narkotik maddələrdən istifadə etdiyinə görə məhkumluq həyatı yaşayıb. Səbail rayonunda təxminən 15 il olar ki fərdi evdə yaşayıb. Cəlalə ilə 2000-ci ildə evlənib və 3 övladları olub.

Son vaxtlar arvadından şübhələnməyə başlayıb. Çünki yoldaşının ona əvvəlki kimi münasibət göstərmədiyini hiss edib. Cəlalənin heç vaxt mobil telefonu olmayıb.

Hadisə baş verən günü axşam uşaqları dükana göndərib ki, arvadı ilə son günlərdə olan şübhələrinə aydınlıq gətirsin. İkisidə evin girişində olan pilləkənlərdə oturublar. İçdiyi çayın soyuq olduğunu irad tutduqda, yoldaşı yenidən ona çay gətirib. Lakin Piriyev ona qarşı belə diqqətsizliyi qəbul etməyib. O, təkrar şübhələrinin səbəbini soruşduqda yoldaşı ona fikirlərinin düzgün olmadığını bildirib. Əsəbləşən Müzəffər çay stəkanının arxası ilə Cəlalənin başına bir nüçə zərbə vurub. Qadın yerə yıxılan kimi üstünə çıxıb sol qolu ilə onun boynunu sıxıb qışqırmasına imkan verməyib. Hadisə təxminən 5-6 dəqiqə çəkib. Qapını bağlı saxlayan Piriyev uşaqları içəri girməyə qoymayıb. Onları götürüb taki ilə bacısının yaşadığı evə aparıb. Geri qayıdıb evə gəldikdə onu polis əməkdaşları həbs ediblər.

Zərərçəkmiş Elçin Abbasov bildirib ki, Müzəffər münaqişəli və narkotikə meyilli adam olub. Bacısı Cəlalə ilə görüşəndə danışığından başa düşüb ki, əri onu incidir.

İyunun 23-də yaşadığı Göytəpə şəhərində olarkən anası ona Müzəffərin bacısını öldürdüyünü deyib. Zərərçəkən qeyd edib ki, bacısı ailəcanlı və hamının hörmətlə yanaşdığı qadın olub. Piriyevin ifadəsi böhtandı.

Məhkəmə prosesində Müzəffər Piriyev ittiham üzrə özünü təqsirli bilməyərək hadisə vaxtı özündə olmadığını göstərsədə, məhkəmədə həmin xüsusatlar öz təsdiqini tapmayıb.

Sonda məhkəmənin hökmü ilə o, 18 il müddətinə azadlıqdan məhrum olunub.