Axı Azərbaycan Prezidenti xəbərdarlıq edirdi: bu da sonu!

Bakı Xankəndidəki cinayətkarları doğru yola dəvət etmək, problemləri danışıqlarla həll etmək üçün dəfələrlə xəbərdarlıq etdi, amma onlar az eşitdi. Hətta Azərbaycan xalqına qarşı törətdikləri cinayətə görə saxlanılan Vaqif Xaçatryan və digərlərinin həbsindən nəticə çıxarmadılar. Onlar hətta istər bir-bir saxlanılıb Bakıya gətirilən və yaxud da İrəvanda Azərbaycana qarşı törətdiyi  cinayətə görə cəzalandırılan cinayətkarların həbslərindən nəticə çıxarmadılar. Bir atalar misalında deyildiyi kimi, “gözü çıxarılan dovşandan” dərs almadılar.  

Azərbaycan Prezidenti İlham Əliyev çıxışlarında davamlı olaraq Xankəndidəki cinayətkarlarla bağlı mövqeyini açıqlayaraq bəyan edirdi: "Biz kriminal rejimin ünsürlərini, başda duranlarını ittiham etmişik və biz onları məsuliyyətə cəlb edirik və edəcəyik. Bəziləri artıq öz layiqli cəzasını alıblar, bəziləri də alacaqlar. Onlar Ermənistana qaçsalar belə, cəzalarını alacaqlar. Bunun başqa yolu yoxdur.

Bu cinayatəkar vardanyanlar, arutyunyanlar, qukasyanlar, saakyanlar və digərləri xəbərdarlıqlardan nəticə çıxarıb buna uyğun addım atmaq əvəzinə vəziyyəti kəskinləşdirib prosesləri daha da çıxılmaz dalana dirəmək istiqamətində cinayətkar əməllərini davam etdirdilər. Azərbaycana onlara qarşı sərt addımlar atmaqdan başqa yol buraxmadılar. Bu da nəticə… Sərt addımlar atılmasını istəyirdilər, bu da sərt addımlar. İndi Ruben Vardanyan da etdiklərinin cəzasını alacaq. 

Ruben Vardanyan deyirdi ki, bəs Xankəndidən çıxmayacaq. Yalançı vətənpərvərlik mahnısı oxuyurdu. Bəs nə oldu?! Amma Azərbaycan əsgərinin “Dəmir yumruğu”nu görən kimi, “döyüş yoldaşlarını” meydanda qoyub fərarilik edərək qaçanların ilk cərgəsinə qoşuldu.

Vardanyan hesab edirdi ki, qarışıqlıqdan istifadə edib aradan çıxa biləcək. Amma yanıldı… Alınmadı… Bilmirdi ki, Azərbaycan onu törətdiyi cinayətlərin bədələni ödətmədən buraxmayacaq?!

İndi yəqin ki, Vardanyanın saxlanmasından sonra Xankəndidəki digər cinayətkarlar da “kürkünə birə düşmüş” vəziyyətdədirlər. Yəqin ki, Xankəndidəki cinayətkar xuntanın tör-töküntüləri ciddi mənəvi-psixoloji sarsıntı keçirməkdədirlər. Artıq son günlərdə yuxuları ərşə çəkilən bu canilər  bundan sonrakı hər saatlarını, günlərini sarsıntı altında keçirməli olacaqlar. Diri-diri cəhənnəm əzabı çəkməli olacaqlar. Bir sözlə, Vardanyanın saxlanması onlara psixoloji cəhhətdən ciddi zərbə oldu. İndi onlar gözləyəcəklər ki, Azərbaycan KOMANDOsu onların qolunu nə vaxt  qandallayıb aparacaq. Amma narahat olmasınlar onlara da bir-bir növbə çatacaq. Və kimsə onları bu törətdikləri cinayətə görə ödətdiriləcək bədəldən xilas edə bilməyəcək. 

Mürtəza
Ölkə.Az