Ukraynanın seks-simvolu yenidən səhnədə

“Ölkə.Az” xəbər verir ki, müğənni 3 il olardı səhnələrdə görünmürdü. O, bu gün “Freedom” rəqs baletinin 15 illiyinə həsr olunmuş konsertdə xüsusi qonaq olub. Oxuduğu mahnıdan sonra təmaşaçılar onu bir neçə dəqiqə ayaqüstə alqışlayıblar. Ani Lorak qarşılaşdığı isti münasibətdən kövrəlib və ağlayıb.

Ani Lorakın bu konserti gözlənilmədən və reklamsız baş tutub. Son dəqiqələrə qədər müğənninin reklamı heç yerdə getməyib. Hətta konsert keçiriləcək binanın qarşısında belə onun afişası vurulmayıb.

Onun çıxışı “YouTube” video portalında və sosial şəbəkələrdə yayılıb. Ani Lorakın bu konserti çoxsaylı şəbəkə istifadəçisi tərəfindən də şərh olunub. Çoxu onun konsertindən xəbərsiz olduğunu yazıb. Minlərlə insan Ani Lorakın yenidən səhnəyə qayıtmasını istədiklərini yazıblar.

“Ukraynada bir prinsesa var, o da Ani Lorakdır! Səhnəyə qayıt. Biz səni səbirsizliklə gözləyirik”, - deyə minlərlə insan şərh yazıb.

Qeyd edək ki, Ani Lorak “Eurovision-2008” müsabiqəsində ikinci yeri tutub. O, yalnız “Eurovision”un ən yaxşı artistinə verilən “Artistic Award Eurovision Song Contest” mükafatına layiq görülüb. Ani çoxsaylı musiqi mükafatlarının sahibi, bir çox beynəlxalq və Ukraynada keçirilən festivalların qalibidir. İfaçı İngiltərə, ABŞ, Fransa, Almaniya, Macarıstan, Polşa və Türkiyədə çıxış edib. Ani həm də Ukraynanın Xalq artistidir. O, həm də Ukraynanın seks-simvolu sayılırdı.

Ziya Səccad
Ölkə.Az