İlhamənin oğlunun həbsi
Mərhum xalq artisti İlhamə Quliyevanın oğlu Orxan Nadirovun həbs edilməsiylə bağlı yayılan xəbərlər rəsmən təsdiqlənib.
Daxili İşlər Nazirliyinin mətbuat xidmətinin şöbə rəisi, polis polkovnik-leytenantı İlham Babayev "Ölkə.Az"-ın sorğusuna cavab olaraq bildirib ki, Orxan Nadirov həbs edilib:
"Binəqədi rayon polis idarəsinin istintaq şöbəsində cinayət məcəlləsinin 178.3.2 maddəsi ilə başlanmış cinayət işi üzrə axtarışda olan Orxan Əhməd oğlu Nadirov polis əməkdaşlarının keçirdiyi əməliyyat-axtarış tədbirləri nəticəsində tutulub".
Qeyd edək ki, Orxan Nadirovun həyat yoldaşı Arifə Nadirova dünən "Ölkə.Az"- a açıqlamasında Orxanın həbs xəbərinin reallığı əks etdirmədiyini bildirmişdi. Arifə Nadirova Orxanın rayonda olduğunu qeyd etmişdi.
Səxavət Məmməd
Ölkə.Az