Rəmiş erməni dilində oxudu?

“Niyə əsəbimlə oynayırlar?”

Azərbaycanın xalq artisti Rəmişin yeni videosu yayılıb.

Ölkə.Az showlife.az-a istinadən xəbər verir ki, Rəmiş Rusiyada baş tutan toyların birində hər kəsi təəccübləndirib. O "Tut ağacı" mahnısını ifa edib. Gitaraçının bu ifası hər kəsin diqqətini cəlb edib.

İfada ən maraqlı məqam isə Rəmişin mahnının bir bəndini erməni dilində oxuması olub.

Azərbaycanın xalq artisti Rəmiş yayılan son videosuyla bağlı Publika.az-a bununla bağlı açıqlama verib. Xalq artisti bildirib ki, sözügedən videonun yayılması ona qarşı təxribatdır:

“Mən axırıncı dəfə Moskvada 2007-ci ildə olmuşam. Ondan sonra Rusiyaya getməmişəm. Məgər mən mahnı oxuyanam? Zümzümə eləsəm də, elə muğam oxuyaram da. Mən uşağam ki, erməni mahnısı oxuyum? Özü də Moskvada. Oxusam, Azərbaycanda - öz millətimin içərisində muğam oxuyaram. Mən heç erməni dilini bilmirəm. Niyə bunlar belə Allahsız hərəkət edirlər?”

Sənətkar bildirib ki, sözügedən videodakı onun səsi deyil:

“Bu, montajdır. Niyə əsəbimlə oynayırlar? Xalq artisti adı aldığıma görə görə paxıllığımı çəkirlər. Mənim 30-40 yaşım yoxdur, 71 yaşım var. O yaşda deyiləm ki, pul xatirinə nəsə edim. Hamı bilir ki, mənim tamahım yoxdur”.

Ölkə.Az