Natavan Həbibi rumıniyalı müğənninin mahnısını ifa etdi

Müğənni Natavan Həbibi yeni “Başıma Bəlamısın” mahnısını təqdim edib

Ölkə.Az-ın məlumatına görə, söz və musiqisi rumıniyalı müğənni Edvin Eddiyə məxsus olan bəstə artıq “Youtube” kanalında yerləşdirilib. Mahnının yeni aranjemanı Fərid İmana məxsusdur və müəllifin izni alındıqdan sonra Natavan Həbibinin repertuarına daxil edilib.

"Başıma Bəlamısın" mahnısının müəllifi və ifaçısı Edvin Eddi ilə əlaqə saxlayaraq onun münasibətini öyrəndik.

Rumıniyada yaşayan əslən türk ifaçı Edvin mahnının yeni versiyasını bəyəndiyini və gələcəkdə də əməkdaşlığa hazır olduğunu bildirib:

"Bəli, xanım müğənninin ifasını çox bəyəndim, çox gözəl ifa edib. Fərid İman mənim çox yaxın dostumdur. Gələcəkdə də bərabər işlər görməyə, bir-birimizə yardım etməyə hazıram", - deyə gənc müğənni bildirib.

Həmin mahnını sizlərə təqdim edirik.

Rəşid Mustafazadə

Ölkə.Az