Ayağı burxulan Hülya Koçyiğit xəstəxanalıq oldu
Tanınmış türkiyəli aktrisa Hülya Koçyiğit işi ilə bağlı bir toplantıya gecikməmək üçün avtomobildən düşərkən qaçıb və nəticədə ayağı burxularaq yıxılıb.
"Ölkə.Az" xəbər verir ki, aktrisanın sağ ayağının topuğu çatlayıb.
Ağrıya baxmayaraq topuğunun çatladığını bilməyən Hülya Koçyiğit toplantıdan sonra ayağının şişdiyini görüb və xəstəxanaya gedib.
Baş vermiş hadisənin ciddiliyini xəstəxanada öyrənən istedadlı aktrisa ayağının gipsə qoyulmasından sonra istirahət etməsi üçün evinə aparılıb.
Hülya Köçyiğit baş vermiş hadisə ilə bunları deyib:
"Toplantıya gecikməmək üçün qaçdım, lakin ayağım boşluğa düşdü, yıxıldım. Mən nələri geridə qoydum, bunun da öhdəsindən gələrəm. Allah hər kəsi xəstəlikdən, qəzadan qorusun. Çox böyüdüləcək bir şey deyil. Bir müddət evdə olacağam. Gərgin iş qrafikim vardı, amma nə etmək olar? Evdə uzana-uzana həll etməyə çalışacağam".
Ölkə.Az
