Meray Kerinin səsi batıb?

Məşhur müğənni Meray Kerinin Yaponiyada verdiyi konsert pərəstişkarlarını məyus edib. 

Tokiodakı konsert zamanı müğənni gah mətni unudub, gah da mikrofonda səsi “xırıldayıb”. Hətta bəzən müğənni vokal ifa əvəzinə sadəcə mətni oxuyub.

Yayılan məlumatlara görə, müğənninin uğursuz ifasına səbəb pop-divanın həyat yoldaşı Nik Kennonla ayırlığı və ya səs rejissorunun işinin öhdəsindən gələ bilməməsi olub. Pərəstişkarları isə artıq sosial şəbəkələrdə müzakirələr zamanı müğənninin səsini itirdiyini yazıblar.

Xatırladaq ki, 45 yaşlı Meray Keri ilə onun 33 yaşlı həyat yoldaşı rep ifaçısının boşanması haqqında söz-söhbətlər hələ avqustun sonundan yayılıb. Cütlük 6 il bir yerdə olub. “Bizim cənnətimizdə problemlər var. Artıq bir neçə aydır ki, biz eyni evdə yaşamırıq”, - deyə o zamanlar Nik Kennon jurnalistlərə bildirmişdi. (anspress)

Ölkə.az