Sərxan \"kişi kimi söz verirəm\" dedi, sözündən qaçdı
"Ölkə.Az" xəbər verir ki, şounun iştirakçıları səs çoxluğu ilə aktyor Sərxan Kərəmoğlunu səsverməyə çıxarıblar.
Sərxan verilişdə qalacağı təqdirdə çıxaracağı iştirakçının adını əvvəlcədən bəlli etməyib və bildirib ki, bu seçimi ilə hamını təəccübləndirəcək. Buna baxmayaraq veriliş boyu meyxanaçı Oktay Sərxanın məhz onu çıxaracağını bildirib və buna hazır olduğunu deyib. Lakin Sərxan Kərəmoğlu "Kişi kimi söz verirəm ki, sənin adını çəkməyəcəm" deyib.
Səsvermənin sonunda izləyicilər tərəfindən aktyor 56,33 faiz səs yığaraq verilişdə qalıb və verdiyi sözünün üstündə durmayaraq yarışmadan meyxanaçı Oktay Kamili uzaqlaşdırıb.
Bu da oyunçuların narazılığına səbəb olub.
Qeyd edək ki, veriliş hər axşam saat 22:00-da yayımlanır.
Şouda mübarizəni əməkdar artist Ruhəngiz Allahverdiyeva, şairə Nazilə Səfərli, müğənni Mina Hüseyn, Səmra Rəhimli, Samir Cavadzadə, Dilarə Kazımova, reper Ramin Nabran, aparıcılar Ranar Musayev, Xose Bernardo, aktrisalar Xəyalə Quliyeva, Aysel Nazim, Nərgiz Əliyeva, Aydan Axundzadə, aktyorlar Allahverdi Yolçuyev, Sərxan Kərəmoğlu, bloqqerlər Mənsur Şəriyev, Taleh Yüzbəyov davam etdirir.
Vüsalə Balayeva
Ölkə.Az