Mənsur oyunu tərk etdi, Ramil və Sərxan dalaşdı

"Ölkə.Az" xəbər verir ki, bu dəfəki oyun qalmaqallarla, qarşılıqlı ittihamlarla yadda qalıb.

 Növbəti səsvermədə iştirakçıların seçimi aktyor Mənsur Şərif olub. Aktyor açıq oyun aparacağını söyləyərək, Sərxan Kərəmoğlunu rəqibi kimi göstərib. Bildirib ki, oyunda qaldığı təqdirdə onu şoudan kənarlaşdıracaq.

Oyun gərgin mübarizə ilə davam edib. Bu dəfə iştirakçılar arasında televiziya auditoriyası və internet istifadəçiləri barəsində mübahisələr gedib.

Bundan əlavə Ramil Nabranla Sərxan arasında böyük qalmaqal yaşanıb, iş əlbəyaxa davaya qədər gəlib çıxıb. Şounun aparıcısı Murad Dadaşovun müdaxiləsi ilə tərəflər sakitləşdirilib.

Sonda Mənsur Şərif 48.12 faiz səs toplayaraq şounu özü tərk edib.

Qeyd edək ki, növbəti 10-cu buraxılış 10 nəfər iştirakçı ilə davam edəcək. Bunlar şairə Nazilə Səfərli, Səmra Rəhimli, Samir Cavadzadə, Dilarə Kazımova, reper Ramil Nabran, aparıcılar Ranar Musayev, Xose Bernardo, aktrisa Xəyalə Quliyeva, aktyor Sərxan Kərəmoğlu, bloqqer Taleh Yüzbəyovdur.

Vüsalə Balayeva
Ölkə.Az