Conni Depp evlənir

2012-ci ildə “The Rum Diary” filminin çəkilişləri zamanı tanış olan Hollivud ulduzları Conni Depp və Amber Heard evlənməyə hazırlaşırlar.

Cütlük gizlicə toy hazırlıqlarına başlayıb. Onların fevralın 7-də Baham adalarında aktyorun yaxtasında toy edəcəkləri deyilir. Məclisdə 50-yə yaxın qonağın iştirakı gözlənilir.

Qeyd edək ki, 51 yaşlı Conni Depp 1980-ci ildə Lori Anne Allisonla evli olub. Onunla boşandıqdan sonra isə Keyt Moss, Vanessa Paradis və Vinona Rayderlə eşq həyatı yaşayıb. C.Deppin Vanessa ilə münasibətindən hətta iki uşağı da var.

Aktyor bu yaxınlarda “Karib dənizinin quldurları” filminin çəkilişləri üçün Avstraliyaya, A.Heard isə bəzi işlərinə görə Londona yola düşəcək.(Axşam.az)

Ölkə.Az